註冊 登錄
粵語協會 返回首頁

的個人空間 http://home.cantonese.asia/?0 [收藏] [複製] [分享] [RSS]

日誌

我与粤语有个约会

已有 1272 次閱讀2008-7-10 14:18

约会

 

好衝動嘅決定,接受蚊訓嘅邀請,應承咗聚會。
雖然平時喺群道都有交流,但喺真正見面,重喺第一次。

五月一號嗰陣,喺珠影同南漢見面。喺見面之前,發生咗小小嘢,發現:原嚟我同俗女并冇乜嘢唔同,有D觀念真系俗不可耐。后咪,見到之后,總算放下心頭大石。呢個會面認真系有驚無險。
早前,聽南漢形容盧總嘅樣,喺腦海道就為盧總畫咗一張相:高高嘅,大塊頭,果個辮子在頭頂豎起,二分成熟嘅外表,八分幼稚嘅打扮。

聊天嗰陣,聽過ok兄同蚊訓把聲,感覺上喺比較有魅力嘅男生。喺心道都幫佢哋畫咗樣:Ok兄,喺個頭唔高、塊頭唔大嘅男生,樣子清秀,應該幾斯文下;蚊訓就嬌小可愛,唔會有乜架子,皮膚黝黑,畀人健康+陽光嘅感覺。

原嚟
……
但喺,見到嗰陣,如果我喺戴住眼鏡去咯話,肯定會跌甩眼鏡。佢哋兩個人都畀我唔同於想像中嘅形像。

Ok
兄著到好in(唔系我嘅第一印象,系某人講嗰接),坐定定,好少出聲。但睇佢個樣,唔似喺怕醜嘅人,都唔似斯文嘅人,但喺佢就好少出聲,無從知道原因。蚊訓呢,打死都估唔到,佢居然咁白,咁鬼瘦,有D似竹篙精,好似畀風輕輕一吹就倒噉。真喺為佢擔心,起風嗰陣,佢就唔敢出街嘞。

喺路上,志韻同我講,阿yjp都會來。我話,好吖。

後來見到阿yjp,佢話佢就喺yjp,我話,你咪呃人啦,人哋yjp喺女仔來架,你想做yjp,第世啦。後咪,志韻同我講,yjp喺男架。我想暈低。唉,一直期待多個女嘅出來,緩衝下陽盛陰衰嘅矛盾,點知……失望……

唔嘢好講
……
重有highyun,同佢有喺qq度傾過偈,喺論壇亦見過佢嘅有D嘢,畀我嘅印像喺比較熱情、瀟灑嘅男生,見面嗰陣,佢淨喺掛住同盧總好似兩只麻雀噉吱吱喳喳講個唔停,將我呢個傾過計嘅朋友晾埋一二邊。佢同盧總好多嘢講,而ok兄就粒聲唔出,佢兩個系一擔,搵ok兄做挑夫就啱啱好。

華工嘅朋友,馬兄,佢有D大塊頭(如果畀D蚊訓,噉兩個人嘅體型都會好完美),應該系食咗好多肉嘅緣故,佢好中意食肉。志韻經常叫我睇佢,話佢好似自己高中嘅同學。搞到我都唔好意思,成日眼甘甘噉睇住人哋,好似色女噉。其實,我都未見過志韻個高中同學,又點知馬兄似佢嘅高中同學,阿志韻真系高估咗我嘅想像力嘞。

跌曬眼鏡。

不過,有個小小嘅不滿,就喺,淨喺得我同志韻兩個女生參加佢哋男生嘅聚會。喺聚會度,D男生就充分顯示咗個性,粗口成章,一D都唔忌諱。有人話,呢D喺男人文化。我無法接受噉樣嘅理由。 不過噉,呢D噉嘅言論,又系體現咗佢哋唔系虛偽之人。

當然,佢哋講嘢,我哋無法插口,不過我哋都可以搵到自娛自樂嘅嘢。
志韻不斷喺道挑逗小師弟——yjp,搞搞人哋yjp面都紅曬。志韻喺度死笑爛笑,後咪佢同我講,同yjp傾偈好好玩,之前都喺人哋講到我面紅,宜家喺我講到人哋面紅,好難得吖,有咁好嘅機會,做乜唔好好把握喔。唉,我真系服咗佢,原嚟佢系噉諗咯,心思認真狡猾,專登要人哋覺得唔好意思。不過,話又講返嚟,個yjp又認真系幾好玩下,人哋講兩下就將佢嚇到面紅脖子粗。真系啱啱入世,重要多D鍛煉。

重有小小嘢,就系关于highyun嗰名问题。我问yjp,点解highyun安个噉嘅名?系乜意思?yjp扭扭拧拧噉,想讲,又唔想讲,喺度扮晒琵琶女。后咪,畀我问咗好多次,可能问到佢烦。佢就偷偷地同我讲咗。我听咗之后,除咗表示hingyun好有才吖,咁都畀佢谂到,冇晒嘢讲。有D嘢喺呢度好似畫公子噉畫出腸,唔系几好,所以,至于yjp同我讲咗乜,大家心照啦。唔使多讲羅。對highyun嗰名,佢哋講咗咁多嘢,我唔系好認同,有自己嘅諗法:hi   暈。同佢打聲招呼就暈低,睇嚟,佢D魅力真系冇法擋。呵呵。

呢個聚會,唔乜嘢印像深刻,不過盧總條辮子又認真幾得意,雖然唔喺如我想像咁頭頂高傲咁豎起,但喺喺後面,睇落都幾好下,重顯得盧總嘅風趣,越睇就越想笑。如果唔喺咁多男嘅在場,我真喺會笑到烚熟狗頭咁,或者喺見牙唔見眼。大家都見過我啦,知道我嘅眼睛喺好大架,如果我笑到見牙唔見眼。好難想像咁樣嘅情景。


總之
……
都幾好啦。



補充:

睇過余okhighyun對歷屆協會聚會嘅回憶,睇到羊城晚報對粵語協會嘅報道,見識咗各位嘅才華同勇氣,作為一個新人,我衷心祝願粵協越辦越好。

Ok
兄唔系怕羞,而系凝神傾聽,聽人哋D口音,分辨人哋D發音。從講話中尋找粵語嘅規律。 感覺有小小恐怖,以后同佢一齊嗰陣。要處處小心先得,時刻有個人準備著執你口音。呵呵。搞笑接。

對於粵語,我有好多矛盾之處。好想用粵語打字,但系感到粵語嘅錯別字太多,打出嚟嘅字,自己睇到都覺得好唔爽。雖然從細至大都喺道講粵語,但系寫卻系寫普語,給人造成咗好多矛盾。即使知道呢個字系錯別字,但系由於缺少必要嘅正字,唔知道呢個字嘅正字系乜嘢。
時時感到有心無力嘅悲哀。

發表評論 評論 (6 個評論)

回復 外外星人 2008-7-13 11:38
茶妹,睇怕你篇日记都系我第一个睇到,睇嚟你嘅人气需要UP下噉噃!:P 顺便问下,你写嘅系几时嘅事呀?今年?OK其实唔多钟意发言,可见其心思慎密也!不过佢真系几OK咖!OK而家认真做紧学问,呢个年头,做学问嘅人真系唔多,如果你重未有男朋友嘅话,OK都系一个几好嘅选择。:loveliness: :D
回復 tea 2008-12-22 22:55
原帖由外外星人於2008-07-13 11:38:39發表 茶妹,睇怕你篇日记都系我第一个睇到,睇嚟你嘅人气需要UP下噉噃!:P 顺便问下,你写嘅系几时嘅事呀?今年?OK其实唔多.
而家先睇到。你系第一人留言嘅人。“约会”讲嘅系07年5月份嘅事,离而家都好远啰。
回復 tea 2008-12-22 22:56
咁多错别字,需要修改吓。
回復 外外星人 2009-4-14 08:11
原帖由外外星人於2008-07-13 11:38:39發表 茶妹,睇怕你篇日记都系我第一个睇到,睇嚟你嘅人气需要UP下噉噃!:P 顺便问下,你写嘅系几时嘅事呀?今年?OK其实唔多.
咁遲先知,真係蚊都瞓。:lol
回復 外外星人 2009-4-14 08:16
原帖由tea於2008-12-22 22:55:46發表 而家先睇到。你系第一人留言嘅人。“约会”讲嘅系07年5月份嘅事,离而家都好远啰。
咁遲先知,真係蚊都瞓。:lol
回復 外外星人 2009-4-14 08:18
原帖由tea於2008-12-22 22:56:54發表 咁多错别字,需要修改吓。
妳自己執定係畀人執?攞去書院度大把人才啦!

facelist doodle 塗鴉板

您需要登錄後才可以評論 登錄 | 註冊

手機版|Archiver|粵語協會    

GMT+8, 2018-10-22 08:12 , Processed in 0.047303 second(s), 17 queries .

Copyright © 2003 - 2016 Cantonese Association. All Rights Reserved. 粵語協會 版權所有

返回頂部