上個禮拜六係阿媽生日，啱好我返鄉下出差，有機會同屋企人一齊聚下。雖然冇訂蛋糕，但阿媽好開心，因為一家人可以聚埋一齊食飯、行街。。。就算係扭計都顯得特別親切。

今個禮拜六係我生日，禮拜日又係我生日，一個公曆，一個農曆，好啱時機，已經約好咗同事週五晚KTV，約好咗死黨週日KTV，週六暫未諗好做啲乜。。。每年呢個日子都係特別熱鬧，會有好多祝福同埋歡笑聲。。。。記得20歲嗰年嘅牛一係喺眼淚中度過，當我睇緊friend20歲時同屋企人一齊慶祝生日嘅紀念碟時，我有一種酸楚，難以名狀，眼淚就噉默默下墜。。。因為我生命僅有嘅一次20歲生日帶畀我嘅只有痛苦，於是一直以嚟，我唔想記返佢，我同人講我冇“20歲”。可能係因為嗰次淒涼，上天補返畀我好多個快樂嘅牛一，我願意忘記我嘅20歲，而記住其他N多個牛一。雖然呢個數字而家我都唔願意記得好清楚，但我會珍惜每一個牛一，每一個屬於我嘅日子，屬於我嘅人、事同物。